Kahaan hai mere Bhagwan-

Woh kehte hai insaan pathar hai,
Daya ki umeed na karna,
Woh pathar ko pujte hai bandh shivalay mein,
Daya ki murthi kehte hai bhagwan.

Yahaan har mazhab ka insaan hai,
Yahaan har dharm ka bhagwan
hai,
Yahaan dharm insaan ka pehchaan hai,
Yahaan mazhab ka shaitan uska
bhagwan hai.

Na mandir Na masjid Na gurudware Na girijaghar,
Bachon ke muskaan mein dekhein,
Kisi mazdoor ki thakaan mein hain,
Har garib ki lachaari mein dekhein,
Dhanvaan ki Daya mein hain,
Ek sipahi ki dilleri mein dekhein,
Sagar ki lehron mein hain.

Har insaan uske karm mein hai,
Har insaan uske parikshram mein hai,
Har insaan uske wajood mein hai,
Har insaan uske vyatha mein hai,
Har insaan uske sangarsh mein hai,
Yeah mere allah ram hai,
Yeah mere waheguru balram hai,
Yeah mere yesu shyam hai,
Yeah mere bhagwaan hai..